Welkom op de site van Teiken-Rechtsbiestaand. Wie bint nen gespecialiseerd ketoor dat juridische biestaand gef an leu met’n bedrief en an gewone leu. Het ketoor is in de been hölpen deur Mr. G. H. Teiken.

Veur oeleu dee recht zeukt is’t nig makkelijk um oet te zeuken o’j met de juuste jurist te maken kriegt. Wie maakt het oe geern makkelijk.

Ie mot bie oons wean a’j vroagen hebt of juridische biestaand wilt hebben op’t gebied van Arbeidsrecht, Verzekeringsrecht en Ketracktenrecht. Wie hebt a 15 joar ervaring op disse zaken. Dissen ervaring hebt wie opdoan bie verzekeringsmaatschappijen, nen groot accountantsketoor, in’t onnerwies en in de avvekatuur.

Wie zult met oe sprekken op nen wieze dee oe an zal sprekken, liekoet en der nig umhen dreaiend. Wie zult oe nig de kop gek maken met amparte weur dee’j nig begriept. Het ströpke he’w a joaren nig meer um. Alman kan bie oons binnen lopen en ankloppen. Wie hebt ginnen hogen sul, zoas wie dat hier zeit!

A’t op betalen ankump bi’w steark concurrerend. Wie bint betrokken bie oe as oonzen klaant, wat de rechtsbiestaandverzekeraar nig kan doon.

Deur allns wa’w a met hebt maakt ku’w zeggen da’w de meeste keflicten binnen nen acceptabele tied veur oe op kunt lossen. Procederen kost völ tied, völ pepier weark en is mangs na risicovol. Nen jurist den de kop der bie hef zöt dat en wil niks leawer dan rap kloar wean!

Doarum: a’j nen juridisch prebleem hebt op’t gebied van arbeidsrecht, verzekeringsrecht en ketracktrecht is Teiken-Rechtsbiestaand de beste keus. Veur leu met’n bedrief en gewone leu. Teiken-Rechtsbiestaand: kotbie en betrokken